14 кастрычніка - Республіканскі Дзень Маці
- Информация о материале
- Категория: Новости
- Опубликовано: 16.10.2020 09:20
- Автор: Администратор
- Просмотров: 473
"Я слаўлю мамы светлае імя"
Прафсаюзная арганізацыя райбальніцы сумесна з адміністрацыяй арганізавалі і правялі мерапрыемства "Я слаўлю мамы светлае імя", на якое запрасілі сваіх работнікаў - мнагадзетных маці. Такіх у медыцынскай установе налічваецца 12.
Перад пачаткам мерапрыемства перад мамамі-медыкамі выступіла галоўны ўрач бальніцы В.Я. Скарабагатая, якая павіншавала ўсіх са святам, пазнаёмілася з некаторымі медработнікамі, якія знаходзяцца ў дэкрэтным водпуску. Вольга Яўгеньеўна адзначыла, што медыкі падтрымліваюць дэмаграфічную сітуацыю: за студзень - верасень гэтага года работнікі ЦРБ нарадзілі дзесяць дзетак. А зараз у дэкрэтным водпуску знаходзяцца 26 матуль.
Усіх прысутных маці са святам павіншавала намеснік галоўнага ўрача на медыцынскай часці Святлана Лінкевіч (сама тройчы маці), пажадала жанчынам дабрабыту, сямейнага шчасця, усмешак і паболей радасці ў жыцці.
Увазе прысутных было прадастаўлена відэавіншаванне тых медыцынскіх работнікаў, чые матулі працуюць у ЦРБ.
14 кастрычніка не толькі Дзень Маці, але свята Пакрова Прасвятой Багародзіцы. У народзе кажуць: "Пытаюцца Пакровы, ці да зімы гатовы?" З гэтым павер'ем і звязалі падарункі, якія ўручалі ад адміністрацыі райбальніцы мнагадзетным маці. Дзіцячыя санкі спатрэбяцца ў кожнай сям'і, абы зіма была снежнай. Ну, а ад прафсаюзнай арганізацыі мнагадзетныя маці ў гонар свята атрымалі матэрыяльную падтрымку.